 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Сярод папераў пастарэўшых,
Сярод запыленых лістоў
Радкі даўно забытых вершаў
Неспадзявана я знайшоў.
Перачытаў я іх і кінуў
У полымя. I вось гараць
Шляхоў юнацкіх каляіны,
Зь якіх пайшоў я вандраваць.
Гарыць далёкая хацінка
Пад засеньню цяністых дрэў
Дзе незнаёмую дзяўчынку
Ці музу ўпершыню сустрэў.
Ды раптам скруха агарнула:
Пашто, няўдзячны, іх спаліў?
Ці не яны маім прытулкам
У ночы змрочныя былі?
Ці не яны ў цяжкой патрэбе,
У беспрытульныя гады
Былі маёй скарынкай хлеба,
Глытком крынічнае вады?
1947
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
